Island Court
JUDGMENT
Morsen Haruel i lodgem kleim ia from hemi ting se Daniel Obed nao hemi kaon long kava seedlings mo juice blong hem we total blong hem i 22,350VT. Today Mr.Haruel iwantem blong kot imekem Daniel Obed blong mas pem bak full kaon blong hem in cash.
Issue:
Itru se Daniel Obed hemi kaon long kava seedlings mo kava juice blong Morsen Haruel?
Sipos hemi tru, why nao ino save pem bak?
Wanem panismen nao kot bae kivim?
Full storian:
Claimant blong keis hemi presentem keis blong hem mo talemaot se wanem we hemi talem insaet long statement about kaon blong Daniel Obed oli tru everyone. Hemi bing karem 100 seedlings blong kava mo kava juice we total blong hem nao hemi 22,350VT. Be long taem ia ikam kasem today, hemi neva pem ol samting ia.
Long narasaet storian, Mr.Daniel Obed hemi admitim se yes, every samting long statement blong claimant oli tru everyone. Further long hemia, hemi koet mo talemaot se fasin blong law hemi olsem ia nao, mo law hemi blong everyman. Daniel Obed hemi phrasem statement ia se hemi no fraet nating blong stanap long kot ia mo admitim everysamting.
Hemi concludum storian blong hem mo talemaot se, bae hemi pem full amount in cash bifo 4:30PM be iwantem letem kot ia isave nomo se hemi kat 2 narafala keis we bae hemi putum akensem Mr.Morsen Haruel we total kost blong each case hemi 50,000Vt each. Hemi plis strong long kot ia se sipos hemi lodgem tufala claim ia, bae Morsen Haruel imas pem in full olsem we bae hemi mekem long Morsen Haruel today.
Olketa findings blong kot long issue ia:
Kot hemi faenemaot se everysamting we istap insaet long statement blong claimant Morsen Haruel oli tru everyone. In addition long hemia, defendant Daniel Obed hemi admitim tu se yes itru, hemi mekem fasin ia be bifo 4:30pm today bae hemi sotemaot Mr.Morsen Haruel wetem full amount ia, 22,350VT.
Order
1. Kot hemi odarem yu Mr.Daniel Obed blong mas pem bak full kaon blong yu iko long Morsen Haruel bifo 4:30pm today.
2. Full amount blong payment hemi 22,350VT
3. Sipos anywan long tuketa parties ino klad long decision ia, hemi kat 30 days blong apil iko long magistrate kot stat today iko.
Dated long Morua Kot Aos, Tongoa Island this 17th May 2021.
BY THE COURT
--------------------------------
Apia Samoa
---------------------------------
Amos Willie
-------------------------------------
Kalfau Pakoa