logo Judiciary of the Republic of Vanuatu

Island Court

Civil
2284 of 2021
28 Sep 2021
28 Sep 2021
Justice Apia Samoa; Justice Mere Pakoa; Justice Jeremiah James
Tom Kalo
SMAS Committee represented by Paul Thompson (chairman)

 

JUDGMENT

Tom Kalo istap putum SMAS (Shepherds Mini Agriculture Show) committee long kot from iting se olketa nao oli incharge blong lukluk long accommodation blong 6 man we oli silip long aos blong hem long taem blong SMAS. Imekem se today hemi wantem blong oli mas pem accommodation blong olketa 6 man ia we oli spendem 5 nights long aos blong hem. Total amount blong 5 nights ia hemi 45,000VT we iting se SMAS committee imas kivim long hem. 

Issue:

o Itru se SMAS committee oli incharge long accommodation blong ol man ia we oli silip long aos blong Tom Kalo?

o Sipos hemi tru, why nao SMAS committee ino save pem 5 night ia iko long Tom Kalo?

o Wanem oda nao bae kot ikivim?

Full Storian

Tom Kalo istap talemaot se taem we ol 6 man ia oli no kam silip long aos yet, 

William Masoe nao isentem jif Alick blong kam talemaot se bae oli silip long aos. Taem we oli kobak, oli no pem hem kasem tudei. Iko toktok wetem field assistant, Chairman blong SMAS mo Ismael Kelep be still SMAS ino fulvilim tingting blem.

Taem we kot iaskem Tom Kalo, hemi se inomo ko tru long jif or William Lawo bifo ikam long kot ia from isave se William Lawo nao hemi wan committee. Hemi talemaot tu se William Lawo nao imekem rafis fasin ia.

Long narasaet storian, Paul Thompson we irepresentem SMAS committee italem se SMAS committee oli save nomo se five (5) representive long each island blong SMAS ilukluk long accommodation blong olketa. Mo, olketa we oli kam without concent blong SMAS bae oli mitim own cost blong olketa.

Long cross examination, Paul Thompson italemaot pakeken se SMAS isave nomo se Woraviu community iostem 5 farmers we istap anda long hand blong SMAS be hemi nokat any idea long olketa we oli silip long aos blong Tom Kalo. SMAS ino responsible long any additional pakeken apart from 5 ia. Hemi concludum mo talemaot se 5 farmers ia, SMAS isotemaot accommodation blong olketa finis iko long Woraviu community. Be hemi suggestem se Tom Kalo isud referem kleim ia iko long William Lawo from hem nao ipasem wrong information.  

After we kot ia iarem storian blong tuketa parties, kot ia ikamap wetem olketa faendings ia;

• Klemen Tom kalo, ino karem stret toktok long jeaman blong akomodesen

• Chairman blong akomodesen oli save wan ples nomo we ol man bae oli silip long hem hemi long Woraviu community mo oli sotemaot finis.

• Chairman blong akomodesen blong SMAS i save nomo se long woraviu community, bae 5 farmers nomo isilip long hem.

• Kot ifaenemaot se William Masoe nao hemi stret man we isud appear long kot ia blong ansarem ol toktok we klemen iputum long kleim blong hem.

Order.

 Keis ia we Tom Kalo iputum akensem SMAS komiti we imensem nem blong Paul Tomsen long hem, kot istap straekem out today.

 Tom Kalo yu kat every raet blong kam putum raet man we hemi William Masoe blong hem nao iansarem every consen blong yu.

 Inokat any cost we bae kot ia ikivim long tufala parties long keis ia.

 Sipos wan long tuketa parties ino klad long decision ia ikat 30 days blong apil iko long Magistrate kot stat tete iko.

Dated long Morua Kot Aos, Tongoa Island this 28th September 2021.

                                                BY THE COURT

 

            --------------------------------                   -------------------------------

                           Apia Samoa                                        Mere Pakoa

 

                                          -------------------------------------

                                                       Jeremiah James